Sendeiros del Sil

M uitas veces van paralelos, pero non siempre, porque n-™outras ocasiones los sendeiros enfréntanse al ríu. Asina son los sendeiros. Tienen los sendeiros una lóxica caprichosa: nacienon del azar y de la necesidá, vienen de los impulsos inconstantes del home. Son imperfeutos, sí, pero tienen una redondez inigualable.

Los sendeiros son como un idioma, como las l.linguas qu-™usamos cada día. Aparentemente confusos, supuestamente ambiguos, falsamente inútiles, los sendeiros guardan la sabiduría milenaria, escuenden l-™arca del tesoru de la mente del pueblu. Si quieres conocer una tierra dafeitu, si t-™interesa sentir l-™espíritu qu-™alita nun val.le, fai falta que camines polos sendeiros ya qu-™el.los te dirixan a los corazones de las casas ya de las cabanas.

Asina son los sendeiros, tolos sendeiros. Pero los del Sil tienen un aquel especial. Tengo una alcordanza d-™un día, un día d-™iviernu cuando los árboles esnudos guardaban la friura del ríu. Crucéi un sendeiru ya outru ya outru. Perdí, prestosamente, la noción del tiempu ya dexéi que me l.levara-™l soplu de los árboles ya l-™aire de los feleitos. Recorrí una gran distancia, pero foi como si anduviera por una esfera, porque una ya outra vuelta chegaba al mesmu situ, a ese ser de piedra onde l-™augua conviértese en sendeiru ya-™l sendeiru vuélvese ríu: la puente.

La puente, fusión ideal de la naturaleza ya de la cultura, realidá paralela a los sendeiros, piedra perpendicular al ríu, manifestación primaria del mundu humanu. Como tolos iconos auténticos, las puentes del Sil son símbolos infinitos, que siempres anician ideas nuevas ya sentimientos frescos. Ya la puente enseña la inmovilidá del tiempu, pero tamién la época turbulenta de trance ya de cambiu que conmueve los nuesos val.les.