averroístas de L.lión

Anque nun se conoz muitu d’el.los, sí yía interesantísima l’actividá d’un grupu de pensadores de la ciudá de L.lión que nos sieglos XII ya XIII tenían posturas contrarias a la teoloxía oficial cristiana. Sabemos d’estos autores por Lucas de Tuy, autor de los sieglos XII ya XIII, que yá pasóu por esti molín del tiempu.

Estos pensadores l.lioneses chamábanse a sí mesmos «filósofos» o «naturales» ya pensaban que’l mundu ta gobernáu polas l.leis de la natura, qu’a la Biblia hai que la interpretar alegóricamente ya que l’alma nun pue vivir si nun tien cuerpu. Estas ideas averoístas chegaran seguramente de Toledo, más oralmente que por testos escritos, escasos daquel.la.

Outra idea d’estos autores: nun aceutan las doctrinas de los Padres de la Ilesia ya piensan que son inferiores a Platón ya a Aristóteles. Outramiente, niegan que la providencia divina tenga que ver conos seres humanos.

Estos averroístas tenían l.libros espublizaos ya Lucas de Tuy refierse a unu tituláu «Perpendiculum scientiarium». Pero estos filósofos llioneses nun pudienon entrar na l.linia hestórica del desarrollu de la filosofía medieval: quedanon cercaos nuna España escasamente interesada pola filosofía.

Un futurible: outra sería la hestoria del pensamientu na península ibérica si’l dogmatismu nun hubiera cortáu dafeitu la posibilidá renovadora d’esta filosofía l.li?onesa de xacer averroísta.

Sicasí, la sua existencia plantega interrogantes mi grandes no tocante a la presencia del averroísmu na España medieval. Ya lo que fuera L.lión como centru inteleutual.