Las l.lagunas pol branu

L’augua yía la sangre de la nuesa tierra ya va chenando de colores el mundu. Pol iviernu, l’augua faise blanca ya anubre montes, picos ya val.les. Métese tamién nos pueblos ya tapa caminos ya sendeiros. Antias, las nevadísimas obligaban a faere la güelga, un sendeirín no mediu de la blancura pa los escolinos dir a la escuela.

L’augua yía la esencia de los ríos. ¿Qué sería de nós sin el ríu, sin los ríos, sin el ríu onde deprendimos a nadare o sin el pozu onde garremos la primera truita? El ríu, siempres marmul.lando, yía’l testigu más fiel de la nuesa tierra, l’amigu qu’enxamás nos abandona, el destín auténticu de los nuesos caminares ya de la nuesa soledá.

Tien muitas formas l’augua. Pero agora tenemos que pensare nesa que s’axunta nos altos, al pía de las grandísimas penas ya sierras. Los l.lagos. Las l.lagunas. Esas que pol iviernu pueden xelare ya reciben en silenciu la nieve. Las qu’al esneviare se chenan de más augua entovía.

??Las l.lagunas de los nuesos montes pasan por muitas formas ya colores, pero siempres tienen un aquel especial. Son solitarias, pero tranquilas. Nun faen estrueldu, pero faennos pensar. Tán asperándonos ya cuando chegamos siempres nos dicen dalguna cousa importante.

Pol branu, dalgunas l.lagunas menguan muitu, outras siguen poderosas. Hailas que se vuelven verdes, pola fuerza de la vida. Yía’l casu de la L.laguna de las Verdes, en Babia. Conocíla ayere. ¡Qué pena tardar tanto en descubrila!