Cuando’l sol bril.laba muitu en Primout

Yá dalguna vez el Molín del Tiempu fixo memorias d’una planta humilde ya guapa a la que la xente chama «xistra» ya que tien como nome científicu’l de «meum athamanticum». La xistra yera una de las plantas que la nuesa xente usaba pa desaniciar males de distintas clas. Los mineiros tenían la xistra como rumediu pa la silicosis, cuando’l mineral colonizaba las galerías internas del cuerpu ya destrozaba la vida de la xente. La xistra cocíase n’augua ya machucábase, poniendo tamién el sal con el.la. Nun estudiu magníficu Rita García diz que los de Salentinos chaman a la xente de Salientes «xistreiros» porque tienen muita xistra nos sous montes. Nun yía raru que por esa zona s’alcuentre la grandísima Sierra de Xistréu («de Gistredo», en castel.lanu).

Si la xistra yía un tesouru de la naturaleza, por esta parte hai outru tesouru con casas ya ilesia: Primout. Yía un sitiu muitu aviséu. Dicíase en Palacios: «Primout, onde’l sol nunca entróu ya pa una vez qu’entróu a tous los matóu». Primout yía un pueblín que quedóu ermu al final de los anos setenta. Polos anos ochenta cheganon nuevos pobladores, pero los vecinos viechos ya propietarios recuperanon las casas ya agora Primout revive outra vuelta pol branu ya polas fiestas.

Yera pol anu 1947 cuando tuviera de mayestru en Primout el poeta Ángel González. Pola mor d’esta circunstancia Primout yía agora un pueblu l.literariu, al que va xente que quier respirar aquel paisax qu’atestigara la vida del poeta. Yía prestosu que l’alcordanza d’Ángel González faiga revivir l.literariamente esos val.les estreitos, pero guapísimos. Yía emocionante qu’escritores ya periodistas peregrinen a esti l.lugar fantásticu pa sentir la memoria al pía d’una montaña verdísima ya un ríu prístinu. Presta que la xente de Primout vaya refayendo’l pueblu ya que polos branos la xente chene las casas ya disfrute del paraísu propiu. Pero…

Pero you soi unu de los poucos, unu de la minoría que, al.legrándose bien d’esta recuperación física ya material, siente una pena bien fonda por cómo se desanicióu abondu la l.lingua propia ya las l.leendas ya formas de pensar qu’esa l.lingua creaba. Dalgunos nun nos conformamos cona reconstrucción materia. Nun yera verdadera aquel.la sentencia popular de la solombra permanente, porque siempres bril.lóu la guapura del sol en Primout. Anque más antias, cuando reinaban tamién las palabras que la xente fuera fayendo dende los sieglos medievales. Prestan las cousas nuevas, pero cada piedra que falta nas murias derrotadas yía como un testigu que diz: aquel.la civilización yera tamién la esencia d’una forma de ver el mundu.