[1]Mensax de Nadal de S.M. el Rei - 2012

[1]Mensax de Nadal de S.M. el Rei - 2012 Nesta Nueitebona, cumu ca añu, deseyu camentare cun vós sobru lu que nos esmolez y tamién sobru nuesas asperanzas. En cuncretu, gustaríame referime a tres asuntos: la crise ecunómica, la fortaleza d’Hespaña cumu nación Uropeya y Iberuamericana y la necesidá de revindicar la política cumu preseyu necesariu pa xunire las fuerzas de tous y enfrontare la salida de la crise y los retos que tenemos pur devantre. Nun creigu saxerar si digu que vivimos ún de los intres más abegosos de la reciente historia d’Hepaña. La grave crise ecunómica qu'altraviesamos dende hai unos años algamóu una intensidá, una amplitú y una persistencia nel tiempu que naide maxinaba. Los ciudadanos sufren anguañu el sou rigor, que tá poniendu en antredichu el bienestar de non poucas familias. Camientu en tantas presonas de tolas edaes, mas n’especial en bien de xóvenes, que se allevantan tolos días cun sensación d'inseguridá y esmolecimientu pula abegosa situación de las suas ecunomías, la falta trabayu y las anciertas perspetivas de futuru. Nun podemos inorare qu´’hai pesimismu, y que los sous efeutos deixanse sentir na calidá del climen social que vivimos. A mayores ta xenerandu un refugu p’hacia las Istituciones y p’hacia la función política que a todos nos priocupa. Frontu a este pesimismu, cumu frontu al cunformismu, cabe atopare nuevos xeitos y formas de facer deillas cousas que reclaman una puesta al día. La rialidá autual yia cumpleixa y nun siempres fácil d'antender nin de solucionar nel curtiu plazu. Austeridá y crecimientu deben sere cumpatibles. Las arrenuncias de guey tien de garantizar el bienestar de mañana, n’un plazu razonable de tiempu, sicasí se asigure la proteición de los drechos sociales que son seña d'identidá de la nuesa sociedá desenrollada. Pa que la nuesa ecunomía torne esporpollare, tenemos de poner orde nas nuesas cuentas y, al empar, xenerar estímulos pa la creyación de riqueza. Hai estímulos que son creyados pur midias de política económica ou fiscal, ou por políticas de fomientu de inovación ou l'emprendimientu, mas el primer estímulu que nos remanará d'esta crise se chama cunfianza. A lu llargu los trenta y siete años del mieu reináu tenemos pasáu pur deillas coyunturas ecunómicas rialmente cumplicadas que los que tenemos ya deillos años llembramos bien. Quiciabis nun fonun tan abegosas cumu ésta, mas en cualisquier casu fonun bien cumplicadas. Y, pur embargu, sabimos xurdir d'eillas cun ésitu y facere que la nuesa ecunomía abolleciera y que’l nuesu bienestar ameyorara. Y lu algamamos pur mueitas razones mas en primer llugar purquei teníamos enfotu n’un proyeutu cumpartíu pur tous y nas nuesas posibilidaes de salir avantre. Guey cumu nestóncenes, podremos superar las deficultaes d’anguañu cuna xenerosidá, el talentu y la creyatividá de nuesos homes y muyeres y cuna fortaleza de nuesu sistema produtivu si tenemos cunfianza en nós mismos y si somos quienes a xenerala tamién en las istancias y en los mercaos internacionales. Hespaña yia parte de la solución la crise global y tien de sere prutagonista na toma de decisiones nos grandes foros internacionales. Iberoamérica yia parte cimeira de nós, cumu tamién nós lu somos d'eilla. Lu mesmu acuntez cun Uropa. Cuna Unión Uropeya tenemos de segir llaborandu pa superar las visiones puramente nacionales y reforciare las basas de solidaridá cunas que ente tous fuimos avanzandu nel procesu d’integración. Heimos garantizare que res de lu algamáu an comuña, ni los drechos indeviduales y sociales, nin el bientar ecunómico, nin el procesu costrución política y ecunómica puedan verse amenazaos. -------------------------------------------------- Desde el más absoluto a respeto, estima y consideración a la Corona de España, hemos promovido, desde el PREPAL, la versión en LENGUA LEONESA del mensaje de S.M. D. Juan Carlos I, Rey de España y Rey de León, según nuestro ordenamiento constitucional, en aras de hacer normal entre las gentes de la cuatro Regiones Históricas de la Corona Leonesa y, particularmente del Reino Leonés, en las cuarenta y una comarcas naturales de las tres provincias leonesas: Salamanca+Zamora+León, y con la Constitución Española´1978 en la mano, los hábitos lingüísticos que la herencia familiar de nuestros mayores nos ha legado. Francisco Iglesias Carreño Presidente PREPAL prepalszl@gmail.com